Lajme

13/02/2022 / Nga admin1 / Lajme/ 0 Comments

Sanohet defekti në gypin kryesor furnizues Ø 800, në thellësi 12 metra

Sanohet defekti në gypin kryesor furnizues fi 800, në thellësi 12 metra!

Në një kohë rekord dhe impenjim për orë të tëra nga ekipa e KRU “Gjakova” përkundër të gjitha problemeve nga faktorë të jashtëm, më në fund arrihet të eleminohet defekti në gypin kryesor fi 800 në Gjakovë, i cili ishte i vendosur në 12 metra thellësi, nga ky defekt kishim ndërprerje të furnizimit me ujë pothuajse në të gjithë zonën e mbulueshmërisë!

Rikthimi i furnizimit me ujë veçse ka filluar, duhet pak kohë derisa uji të qarkullojë në rrjetë.

Rekomandohet që ujin ta lini të rrjedhë për për pak, para konsumimit!

KRU “Gjakova” falenderon konsumatorët për durimin dhe mirëkuptimin e treguar!

KRU “Gjakova” Sh.A.

13.02.2022.

12/02/2022 / Nga admin1 / Lajme/ 0 Comments

Defekt në gypin kryesor furnizues Ø 800

Defekt në gypin kryesor furnizues fi 800, ndërprerje e furnizimit me ujë në të gjithë zonën e mbulueshmërisë!

Të nderuar konsumator, ju njoftojmë se në këto orë është paraqitur një defekt në gypin kryesorë fi 800 tek “Pika e Zezë”-Gjakovë, si pasojë jemi të detyruar të ndërpresim furnizimin me ujë për gjithë zonën tonë të mbulueshmërisë; Gjakovë, Rahovec dhe Prizren!

Rikthimi i furnizimit me ujë nuk mundë të ndodhë deri nesër, per shkak të natyrës së ndërlikuar të punimeve.

Shpresojmë në mirëkuptimin tuaj!

KRU “Gjakova” Sh.A.

12.02.2022.

03/02/2022 / Nga admin1 / Lajme/ 0 Comments

Takim pune me përfaqësues nga Autoriteti Rregullativ i Ujërave.

Sot U.D. Kryeshefi Ekzekutiv i KRU Gjakova z.Visar Hasi me stafin menaxherial të KRU “Gjakova”, mirëpriten në një takim pune Drejtoreshën e ARRU-së znj. Hajrije Morina me bashkëpunëtor.

Në takim u shqyrtuan tema të rëndësishme rreth aplikimit të rregulloreve dhe monitorimit të gjëndjes aktuale në KRU “Gjakova”.

KRU “Gjakova” SH.A.
03.02.2022.

28/01/2022 / Nga admin1 / Lajme/ 0 Comments

KRU “Gjakova”, konsumatorëve të saj: Kryeni detyrimet, në të kundërtën jemi të detyruar që lëndët t’i dërgojmë përmbarim

Kompania Rajonale e Ujësjellësit “Gjakova”, ka ftuar konsumatorët të cilët nuk i janë përgjigjur detyrimeve ndaj ujësjellësit kundrejt ujit të shpenzuar, që t’i kryejnë obligimet e tyre, në të kundërtën thonë se janë të detyruar që lëndët t’i dërgojnë në procedurë përmbarimore.

Përmes një komunikate për medie, KRU “Gjakova”, thotë se kjo gjë vlen për Gjakova, Rahoveci dhe Prizreni.

“Ftojmë të bëni pagesat për arsye të mos grumbullimit të borxhit, si dhe stabilitetit financiar të kompanisë duke qenë se operojmë si kompani vetëfinancuese dhe pagesat e juaja kontribuojnë drejtë për drejtë në shërbime të cilat ofrojmë dhe efikasitetin e prodhimit”, thuhet në komunikatë.

“KRU “Gjakova” njëherit ua rikujtonë konsumatorëve se ekziston mundësia e riprogramimit të borxhit, me kusht që të paguajnë 20% të vlerës të cilën e kanë borxh dhe pjesa tjetër do të ju riprogramohet për 24 muaj, mundësi e pagesës së borxhit me këste. Mbesim me shpresë se njoftimi ynë do të respektohet nga ana juaj”, thuhet në fund të komunikatës.

28/01/2022 / Nga admin1 / Lajme/ 0 Comments

Kryeni pagesat obligative kundrejtë ujit të shpenzuar

Kryeni pagesat obligative kundrejtë ujit të shpenzuar!

Kompania Rajonale e Ujësjellësit “Gjakova”, fton të gjithë konsumatorët të cilët nuk i janë përgjigjur detyrimeve ndaj ujësjellësit kundrejtë ujit të shpenzuar, të kryejnë obligimet e tyre, në të kundërten jemi të detyruar që lëndët ti dërgojmë në procedur përmbarimore.

E njëjta vlen për gjithë zonën ku KRU “Gjakova” është përgjegjëse si, Gjakovë, Rahovec dhe Prizren.

Ftojmë të bëni pagesat për arsyje të mos grumbullimit të borxhit, si dhe stabilitetit financiar të kompanisë duke qenë se operojmë si kompani vetëfinancuese dhe pagesat e juaja kontribuojnë drejtë për drejtë në shërbime të cilat ofrojmë dhe efikasitetin e prodhimit.

KRU “Gjakova” njëherit ua rikujtonë konsumatorëve se ekziston mundësia e riprogramimit të borxhit, me kusht që të paguajnë 20% të vlerës të cilën e kanë borxh dhe pjesa tjetër do të ju riprogramohet për 24 muaj, mundësi e pagesës së borxhit me këste.

Mbesim me shpresë se njoftimi ynë do të respektohet nga ana juaj!

Faleminderit për mirëkuptim

KRU “Gjakova”SH.A.

28.01.2022.

20/01/2022 / Nga admin1 / Lajme/ 0 Comments

Sot U.D. Kryeshefi Ekzekutiv i KRU Gjakova z.Visar Hasi me bashkëpuntor u pritën nga Kryetari i Komunës së Rahovecit z.Smajl Latifi

Sot U.D. Kryeshefi Ekzekutiv i KRU Gjakova z.Visar Hasi me bashkëpuntor u pritën nga Kryetari i Komunës së Rahovecit z.Smajl Latifi.

Temë e takimit ishte rritja e bashkëpunimit dhe bashkëfinancimit të projekteve në vazhdimësi, kryesisht ndrrimi i gypave të vjetër të ujit të pijes dhe zgjerimi i zonës së shërbimit me bashkëfinancim.

Po ashtu U.D.Kryeshefi z.Hasi e garantoi Kryetarin z.Latifi se KRU “Gjakova”, do të furnizoi me ujë të pijes pa ndërprerë në 24h të gjithë zonën e shërbimit të Komunës së Rahovecit.

KRU “Gjakova” SH.A.
20.01.2022

20/01/2022 / Nga admin1 / Lajme/ 0 Comments

Konsumatorë të nderuar

Konsumatorë të nderuar;

Me rënjen e temperaturave KRU “Gjakova” apelon që të shtoni kujdesin nda ujëmatësve , sidomos ju që ujëmatësit i keni të vendosur në ambiente të hapura.

Mbështillni mirë ujëmatësit tuaj dhe pjesët përcjellëse sepse ngrirja e tyre mundë të shkaktojë defekte-dëmtime të pjesëve hidro-teknike.

Ju faleminderit!

KRU “Gjakova” SH.A.

20.01.2022.

14/01/2022 / Nga admin1 / Lajme/ 0 Comments

Njoftim- për shlyerje të borxheve të papaguara!

Departamenti i shitjes në kuadër të Kompanisë Rajonale të Ujësjellësit “Gjakova”, apelon tek të gjithë konsumatorët përfshirë të gjitha kategoritë; shtëpiak, komercial dhe industrial që në momentin e pranimit të faturës për ujin e shpenzuar të kryejnë pagesën e obligimeve rregullisht duke evituar kështu grumbullimin e borxheve ndaj Kompanisë sonë.

Në të kundërtën KRU “Gjakova”, do të jetë e obliguar që të aplikojë masa të cilat përfshijnë:

Shkyçjen e konsumatorëve individual, inicim të procedurës përmbarimore dhe masa të tjera ligjore.

Ky njoftim vlenë për të gjithë zonën e mbulueshmërisë përkatësisht; Komunën e Gjakovës, Rahovecit dhe fshatrat e Lumbardhit.

KRU “Gjakova” do të vazhdojë ofrimin e shërbimeve në mënyrë profesionale dhe precize, duke falenderuar të gjithë konsumatorët e rregullt të cilët në baza mujore kryejnë pagesën e faturave për ujin e shpenzuar.

Duke shpresuar që ky njoftim do të respektohet nga ana juaj, ju falenderojmë për mirëkuptim!

KRU “Gjakova” Sh.A.

14.01.2022.