/ Nga admin1 / Lajme/ 0 Comments

KRU Gjakova e përkrah Muajin i Solidaritetit

Nga 1-31 Tetor është aksioni tradicional “Muaji i Solidaritetit”.

KRU Gjakova e përkrah këtë aksion të Kryqit të Kuq, dhe atë duke i antarësuar të gjithë punëtorët e KRU Gjakova në Kryqin e Kuq - Dega Gjakovë.

Sot në emër të Kryeshefit Ekzekutiv z. Ismet Ahmeti, në takim me Sekretaren e Kryqit të Kuq - Dega Gjakovë - znj. Fllanza Lama, ishte Zëdhënësja e Kompanisë - znj. Kaltrina Rudi.

Në këtë takim u nënshkrua një marrëveshje bashkëpunimi në mes të KRU Gjakova dhe Kryqi i Kuq - Dega Gjakovë, në mbështetje të aktivitetit humanitar që zhvillon Kryqi i Kuq.

Znj. Fllanza Lama, u shpreh shumë e kënaqur që është arritur kjo marrëveshje bashkëpunimi.

Kurse znj. Kaltrina Rudi tha që KRU Gjakova është gjithmonë e gatshme që të ndihmojë Kryqin e Kuq, sepse dihet aktiviteti madhor i kësaj organizate, në ndihmë të familjeve në nevojë.

KRU Gjakova inkurajon të gjithë njerëzit e vullnetit të mirë që ti bashkohen Kryqit të Kuq.

/ Nga admin1 / Lajme/ 0 Comments

Sistemi i kanalizimit në gjendje të mjerueshme

Sistemi i kanalizimit në gjendje të mjerueshme si pasojë e vetëdijësimit të ulët.

Duke u nisur nga fakti që vetëdija e njeriut ndaj sistemit të kanalizimit është jo e duhur, shpesh vjen deri te paraqitja e problemeve në funksionimin normal të sistemit të kanalizimit.

Njeriu nga pakujdesia dhe në raste të shpeshta me qëllim nga vetëdija e ulët shkakton shumë probleme në funksionimin normal të sisitemit të kanalizimit.

Si rezultat i kësaj, më vonë vetë njeriu duhet të ballafaqohet me problemet që dalin nga mos funksionimi i sistemit të kanalizimit.

Këto probleme që paraqiten në sistemin e kanalizimit mund të jenë probleme:
1. Probleme teknike
2. Probleme financiare
3. Probleme mjedisore

KRU Gjakova vazhdon të apelojë që të keni kujdes se çka hudhni në kanalizim.

Ekipet tona të mirëmbajtjes gjatë gjithë kohës janë në teren dhe janë duke bërë të pamundurën që ta mbajnë rrjetin e kanalizimit në gjendje funksionale.

Bashkangjitur gjeni fotot e gjendjes së kanalizimit në teren.

/ Nga admin1 / Lajme/ 0 Comments

Takim për projekte të përbashkëta

Sot me dt. 23.10.2019, Kryeshefi Ekzekutiv i KRU Gjakova z.Ismet Ahmeti, dhe zëdhënësja e Kompanisë znj. Kaltrina Rudi, pritën z.Alan Brown - Udhëheqës i Programit Mbështetës për Ujë dhe Kanalizim në Zonat Rurale (RWSSP) faza e VI-të, bashkë me bashkëpunëtoret, znj.Albana Goranci dhe znj.Dafina Karahoda.

Në këtë takim shumë miqësor, ata biseduan gjërësisht për projektet e përbashkëta mes kompanisë dhe konzorciumit DORSCH/CDI.

Të gjithë ndanë fjalë urimi dhe falenderimi për projektet e finalizuara bashkarisht, dhe shprehën dëshirën për të vazhduar këtë bashkëpunim.

Sot në këtë takim u nënshkrua Memorandumi i Mirëkuptimit ndërmjet KRU Gjakova dhe RWSSP - Faza VI, për bashkëfinancimin e fushatave të komunikimit për konsumatorë.

/ Nga admin1 / Lajme/ 0 Comments

Njoftim

Punimet në kyqjen e re të rrjetit të ujësjellësit të Dushkajës dhe Anadrinit, po shkojnë shumë mirë, fal planifikimit dhe angazhimit maksimal të punëtorëve të KRU Gjakova.

Punimet pritet të përfundojnë shumë shpejtë dhe para kohës së planifikuar.

I falenderojmë punëtorët e KRU Gjakova për gjithë këtë angazhim për ta rikthyer sa më shpejtë furnizimin me ujë në tërë zonën tonë të shërbimit.

Poashtu falenderojmë shumë të gjithë konsumatorët për mirëkuptimin.

/ Nga admin1 / Lajme/ 0 Comments

Njoftim

Nga Departamenti Teknik na njoftojnë se nesër me dt.17.10.2019 nga ora 12:00 - 18:00 do të ndërprehet uji në tërë zonën tonë të shërbimit që përfshinë: Gjakovën, Rahovecin dhe Prizrenin.

Ndërprerja do të bëhet për shkak të kyqjes së re të rrjetit të ujësjellësit të Dushkajës dhe Anadrinit.

Të gjithë konsumatorët i falenderojmë për mirëkuptim.

/ Nga admin1 / Lajme/ 0 Comments

Ujësjellësi i Gjakovës përfiton investime rreth 5.5 milionë euro nga Qeveria Gjermane

Në kuadër të bashkëpunimit financiar gjerman me Republikën e Kosovës sot kryeshefi ekzekutiv i KRU Gjakova, Ismet Ahmeti, nënshkroi marrëveshjen e veçantë të Marrëveshjes së Financimit dhe Projektit me Bankën Gjermane për Zhvillim KfW për projektin Eliminimi i ujërave të zeza në jugperëndim të Kosovë - Faza VI.

Bashkë me marrëveshjen e fazës së pestë të nënshkruar në fillim të tetorit, KRU Gjakova përfiton një kontribut financiar donacion në total prej 5.5 milionë euro.

Përmes këtij kontributi financiar do të financohen aktivitetet e mëposhtme të projektit:

Riparimi, rehabilitimi dhe punët ndërtimore të kanalizimeve në ato pjesë të qyteteve që do të lidhen me impiantet e trajtimit të ujërave të ndotura të ekzekutuar në fazat e mëparshme të programit.

Investimet në rrjetin e ujit atmosferik në ato pjesë të qyteteve që do të lidhen me impiantet e trajtimit të ujërave të ndotura të ekzekutuar në fazat e mëparshme të programit;

Pajisjet për mbledhjen e të dhënave për GIS;

Pajisjet për mirëmbajtjen parandaluese (të tilla si mjetet e thithjes dhe pastrimit të kanalizimeve ose pajisje për inspektimin e kanalizimeve)

Me këtë rast kryeshefi ekzekutiv i KRU Gjakova, Ismet Ahmeti falënderon përzemërsisht Qeverinë Gjermane dhe Bankën Gjermane për Zhvillim KfW për këtë donacion dhe zotohet se edhe ky projekt do të implementohet me përkushtim të lartë nga kompania.