/ Nga admin1 / Lajme/ 0 Comments

KRU “Gjakova” kujdeset gjithnjë për integritetin dhe avancimin e punonjësve me trajnime sa më cilësore sipas nevojave përkatëse të përsonelit!

KRU “Gjakova” kujdeset gjithnjë për integritetin dhe avancimin e punonjësve me trajnime sa më cilësore sipas nevojave përkatëse të përsonelit!
Në Budva-Mali i Zi, këto ditë po zhvillohet trajnimi me temën “Menaxhimi i personelit dhe zgjidhja e konfliktit”
“Managing of personnel and conflict resolution”, nga Economic and Education Consulting!
Nga KRU “Gjakova” në këtë trajnim po marrin pjesë përfaqësues nga Departamenti i Burimeve Njerëzore dhe Zyrja për Informim!
KRU “Gjakova” Sh.A.
Mars,2022.
/ Nga admin1 / Lajme/ 0 Comments

Fillon puna testuese në ITUN.

Fillon puna testuese në ITUN.
Pas një pune të gjatë dhe sfiduese në të gjitha aspektet, sot kemi filluar punën testuese në Impiantin e Trajtimit të Ujërave të ndotura të realizuar përmes projektit “Trajtimi i Ujërave të Ndotura në Jug-Perëndim të Kosovës” – Faza III Gjakova, të bashkë financuar nga SECO, Banka Gjermane KFW dhe Komuna e Gjakovës.
Testimet janë duke u zhvilluar me sukses dhe sipas planit dinamik.
Me këtë rast falënderojmë donatorët, konsulentët, kontraktuesit dhe të gjithë stafin e angazhuar në realizmin e këtij projekti për kontributin e tyre të pakursyer në zbatimin e suksesshëm të tij.
KRU “Gjakova” SH.A.
15.03.2022.
/ Nga admin1 / Lajme/ 0 Comments

Defekt

Defekt.
Ndërprerje e furnizimit me ujë në Njësin e Rekës së Keqe.
Të nderuar konsumatorë, ju njoftojmë se ka ndodhur një defekt në zonën e Rekës së Keqe, dëmtime ka pësuar gypi kryesor furnizues Ø 315, i cili ndodhet në mes të fshatit Molliq dhe Nivokaz, për shkak të punimeve jemi detyruar të ndërpresim furnizimin me ujë .
Fshatrat që do të mbesin përkohësisht pa ujë janë; Molliq, Nivokaz, Brovinë, Ponoshec, Popoc, Morinë, Shishman, Duzhnje, Babaj Bokës, Korenic, Devë, Guskë, Vogovë.
Ekipet tona janë duke punuar në sanimin e defektit duke ndërmarrur të gjitha masat që sa më shpejtë ta rikthejmë furnizimin me ujë.
Kërkojmë mirëkuptimin e konsumatorëve të zonës!
KRU “Gjakova” sh.a.   14.03.2022.
/ Nga admin1 / Lajme/ 0 Comments

KRU “Gjakova” shpërndan vërejtjet e fundit për konsumatorët që kanë borxhe: Jemi të detyruar t’i dërgojmë te përmbaruesi

Vërejtje para ngritjes së Procedures për Ekzekutim te Përmbaruesi Privat.
Të nderuar konsumator, nga Sektori i Shitjes na njoftojnë se jemi duke shpërndarë vërejtje ndaj konsumatorëve të cilët kanë borxhe të mbledhura mbi 30 euro, për ti njoftuar paraprakisht mbi masat dhe procedurat që jemi të detyruar ti ndjekim konform rregulloreve në fuqi.
Konsumatorët të cilët njoftohen paraprakisht me anë të “Vërejtjes para ngritjes së Procedurës për Ekzekutim te Përmbaruesi Privat”, në afat prej 5 ditësh janë të detyruar të paraqiten në zyret tona me qëllim të kryerjes së obligimit ndaj borxhit ose riprogramimit të tij me këste deri 24 muaj.
Në rast të mos përgjigjjes ndaj obligimeve kundrejt borxhit të akumuluar në afat prej 5 ditësh, përkundër dëshirës sonë ne si ofrues i shërbimeve jemi të detyruar të ngrisim procedurat përmbarimore, tek Përmbaruesit Privat.
Duke mos dashur të ju implikojmë me shpenzime shtesë, ftojmë konsumatorët borxhlinj që të përmbushin obligimet e tyre si detyrim ndaj shërbimeve që ju ofrojmë dhe shpenzimit të ujit.
E njëjta vlen për të gjithë zonën ku operon KRU “Gjakova”, Gjakovë, Rahovec, Prizren duke përfshirë të gjitha kategoritë e debitorëve, amvisëri, komerciale, ente dhe industri.
Mbesim me shpresë se njoftimi ynë do të respektohet nga ana juaj!
Faleminderit për mirëkuptim!
KRU “Gjakova”SH.A.
05.03.2022.
/ Nga admin1 / Lajme/ 0 Comments

Defekt- Ndërprerje e furnizimit me ujë në Gjakovë

Defekt- Ndërprerje e furnizimit me ujë në Gjakovë!
Ju njoftojmë se gjatë punimeve në zgjerimin e rrjetit të ri për Ngrohtoren e Qytetit, operatori ekonomik ka dëmtuar gypin e furnizimit me ujë fi 500 në rrugën “UÇK”, afër Pallatit të Kulturës “Asim Vokshi”-Gjakovë.
Si pasojë pa furnizim me ujë të pijes deri në orët e pasditës do atakohet vetëm Qyteti i Gjakovës!
Faleminderit për mirëkuptim!
KRU “Gjakova” Sh.A.
22.02.2022.
/ Nga admin1 / Lajme/ 0 Comments

Pensionohet Inxhinjeri për Planifikim dhe Zhvillim në KRU “Gjakova” z.Faruk Polloshka

Pas 40 viteve përvojë pune në një cermoni me përplot emocione, mirënjohje e lavdërime u pensionua sot Inxhinjeri i dalluar i cili dha një kontribut të çmuar në historikun e Ujësjellësit KRU “Gjakova”.
Faruk Polloshka ishte i punësuar si Inxhinjer për Planifikim dhe Zhvillim ku me punën dhe angazhimin e tij ishte një figurë e rëndësishme në realizimin e shumë projekteve jetike që sot gëzojnë konsumatorët e KRU “Gjakova”.
Vlen të përmendet se z.Faruk Polloshka ishte Kryeshefi i Parë pas periudhës së Luftës i cili udhëheqi ujësjellësin nga periudha 1993-2002.
Në fjalën e tij përshëndetëse ndër të tjera z.Polloshka u shpreh se ndihet i lumtur për vitet e kaluara në shërbim të popullatës dhe eksperiencën e ndarë sëbashku në realizimin e shumë projekteve të suksesshme.
“Ju falënderoj të gjithëve për gjithçka duajeni vend punimin tuaj si shtëpin tuaj të dytë sepse vetëm atëher sukseset nuk mungojnë”.
I gjithë stafi i KRU “Gjakova”, ju uron pensionim të mbarë, të gëzoni shëndet dhe urojmë të kemi sa më shumë njerëz, punëtor të dinjitetshëm e të dalluar si ju z.Faruk Polloshka.
KRU “Gjakova” SH.A.
15.02.2022.
.
/ Nga admin1 / Lajme/ 0 Comments

Sanohet defekti në gypin kryesor furnizues Ø 800, në thellësi 12 metra

Sanohet defekti në gypin kryesor furnizues fi 800, në thellësi 12 metra!
Në një kohë rekord dhe impenjim për orë të tëra nga ekipa e KRU “Gjakova” përkundër të gjitha problemeve nga faktorë të jashtëm, më në fund arrihet të eleminohet defekti në gypin kryesor fi 800 në Gjakovë, i cili ishte i vendosur në 12 metra thellësi, nga ky defekt kishim ndërprerje të furnizimit me ujë pothuajse në të gjithë zonën e mbulueshmërisë!
Rikthimi i furnizimit me ujë veçse ka filluar, duhet pak kohë derisa uji të qarkullojë në rrjetë.
Rekomandohet që ujin ta lini të rrjedhë për për pak, para konsumimit!
KRU “Gjakova” falenderon konsumatorët për durimin dhe mirëkuptimin e treguar!
KRU “Gjakova” Sh.A.
13.02.2022.
/ Nga admin1 / Lajme/ 0 Comments

Defekt në gypin kryesor furnizues Ø 800

Defekt në gypin kryesor furnizues fi 800, ndërprerje e furnizimit me ujë në të gjithë zonën e mbulueshmërisë!
Të nderuar konsumator, ju njoftojmë se në këto orë është paraqitur një defekt në gypin kryesorë fi 800 tek “Pika e Zezë”-Gjakovë, si pasojë jemi të detyruar të ndërpresim furnizimin me ujë për gjithë zonën tonë të mbulueshmërisë; Gjakovë, Rahovec dhe Prizren!
Rikthimi i furnizimit me ujë nuk mundë të ndodhë deri nesër, per shkak të natyrës së ndërlikuar të punimeve.
Shpresojmë në mirëkuptimin tuaj!
KRU “Gjakova” Sh.A.
12.02.2022.