Autor: <span>admin1</span>

U pensionua sot një zotëri i nderuar, punëtorë i zellshëm i Kompanisë KRU “Gjakova”!

Z.Mustafë Mushla kontribuoi mëse 38 vite në Kompaninë Rajonale të Ujësjellësit si i punësuar që nga viti 1984.

Aktivitetin e tij punues kohëve të fundit e zhvilloi si Manipulues i Pompave në Njësin Punuese Rahovec.

Stafi i KRU “Gjakova”, ju uronë ta gëzoni pensionimin të keni shëndet e mbaresi Mustafë Mushla, do jemi gjithmonë falenderues për kontributin dhe eksperiencën e ndarë sëbashku.

KRU “Gjakova” SH.A.

01.08.2022.

UD.Kryeshefi Ekzekutiv i KRU “Gjakova” Mr.Visar Hasi ka nënshkruar sot marrëveshje bashkëfinancimi me Kryetarin e Komunës së Rahovecit z.Smajl Latifi, për realizimin e projektit të përbashkët “Rehabilitimi i Ujësjellësit në fshatrat Ratkoc dhe Bratotin” në Komunën e Rahovecit.

Sipas marrëveshjes në realizimin e këtij projekti KRU “Gjakova” do të participojë me 51% ndërsa Komuna e Rahovecit me 49%, projekti në total përfshinë vlerën 61,000.00 €.

KRU “Gjakova”, mbetet e përkushtuar në realizimin e synimeve të saja, në zgjerimin e zonës së furnizimit me ujë cilësorë si dhe shërbime efikase për të gjithë konsumatorët e saj.

KRU “Gjakova” SH.A.

28.07.2022.

Jeni mirënjohës për këtë dhuratë që posedoni çdo ditë.

Shpenzoni në mënyrë sa më racionale ujin e pijshëm, mos e keqpërdorni atë, ndihmoni që furnizimi të jetë i barabartë për të gjithë.

Kurseni ujin që ta keni!

Me prezencën e UD. Kryeshefit Ekzekutiv z.Visar Hasi si dhe menaxhmentit të lartë të Kompanisë Rajonale të Ujësjellësit “Gjakova”, u zhvillua mbledhja e parë e Bordit të Drejtorëve në përbërje të;

1.Urim Gashi-kryesues.

2.Arianeta Nura-antare,

3.Vildane Maloku-antare,

4.Jeton Haxhijaha-anëtar.

Emërimi i Bordit të Drejtorëve është bërë pas skadimit të mandatit të anëtarëve të Bordit të Përkohshëm të kësaj ndërmarrje, në përputhje me legjislacionin në fuqi për ndërmarrjet publike.

Bordi i sapo zgjedhur në Ndërmarrjen Publike KRU “Gjakova” SH.A, shërben në cilësinë e Bordit të Drejtorëve me mandat sipas nenit 43, paragrafi 4 të Ligjit Nr.03\L-087 për Ndërmarrjet Publike.

KRU “Gjakova” SH.A.

25.07.2022.

Gjatë ditës së sotme në zonën e shërbimit të KRU “Gjakova” po realizohen punime me shumë rëndësi në rrjetin e ujësjellësit.

Në fshatin Ujz, po bëhet rehabilitimi i Stacionit të Pompave-Ndërrimi i motor pompës 4kW si dhe i ormanit komandues me pjesët përcjellëse fazonike.

Njëkohësisht në fshatin Molliq të Gjakovës po intervenohet në shtrirjen e rrjetit të ri të ujësjellësit ku mese 8 familje do furnizohen me ujë të pijes nga KRU “Gjakova”.

Po ashtu punohet vazhdimisht në sanimin e defekteve sekondare nga ekipet tona në të gjithë zonën tonë të shërbimit.

KRU “Gjakova” SH.A.

22.07.2022.

KRU “Gjakova” ka filluar ekzekutimin e punimeve në fshatin Radostë në rrugën “Ali Shabani”, në shtrirjen e rrjetit të ri gjatësia e të cilit është 1km. Mese 17 familje do të kyçen në rrjetin e ri të ujësjellësit duke u furnizuar me ujë të pijes.

Ky projekt po realizohet si bashkëfinancim me Komunën e Rahovecit me 49%, ndërsa KRU “Gjakova” 51%, vlera e kontraktuar e projektit është 15 mijë euro.

Punimet pritet të përfundojnë gjatë ditës së nesërme.

Urojmë banorët e kësaj zone për ujin e pijes, të cilët janë konsumatorët më të rinj të ujësjellësit tonë.

KRU “Gjakova” SH.A.

14.07.2022.

Agimin do e kujtojmë gjithmonë si punëtor të dalluar, fjalëpak, i sjellshëm dhe i respektueshëm me të gjithë!

UD. Kryeshefi Ekzekutiv i KRU “Gjakova” z.Visar Hasi si dhe gjithë kolegët e kompanisë, shprehin ngushëllimet më të sinqerta për familjen Alija!

Pushofsh në paqe miku ynë Agim Alija!

Të nderuar konsumatorë, bazuar në RREGULLOREN NR.10/2019 PËR STANDARDET MINIMALE TË SHËRBIMEVE TË UJIT NË KOSOVË, Neni 27, pika 2 e cila përmban “Leximi i ujëmatësit duhet të bëhet brenda orarit dhe ditëve të punës së ofruesit të shërbimeve, përderisa konsumatori duhet të i mundësojë lexuesit të ujëmatësit qasjen tek ujëmatësi brenda këtij orari”.

Tek disa konsumatorë ndodhë që qasja tek ujëmatësi është e pamundur, edhe pas shumë tentativave nga ekipet e lexuesve.

Në mënyrë që ne të zhvillojmë veprimtarinë tonë sipas rregulloreve dhe ju të merrni shërbimet e duhura, duhet të na krijoni kushte për qasje në ujëmatësin tuaj.

Në të kundërtën jemi të detyruar të ndjekim rrugët ligjore sipas ligjeve në fuqi.

Ju faleminderit për mirëkuptim!

KRU “Gjakova” SH.A.

25.06.2022.

Intervenime aktuale po zhvillohen në këto zona: Gjakovë- në rrugën “Ali Pashë Tepelena”, si dhe në fshatrat Cermjan dhe Qerim. Intervenime në rrjetin e kanalizimit do ketë në lagjen “Brekoc” si dhe rrugën “Skënderbeu”.

Në njësinë e Rahovecit po intervenohet në fshatrat Sopniq, Senovc, Drenovc dhe Opterush.

KRU “Gjakova” SH.A.

20.06.2022.

Në kuadër të projektit “Trajtimi i Ujërave të Ndotura në JP të Kosovës Faza III Gjakova”, kanë vazhduar punimet në kolektorin e II të qytetit, i cili do të vijojë deri në kryqëzimin e rrugëve “Dëshmoret e Hereqit”, “Lekë Dukagjini” dhe “Gjergj Sokoli”.

Punimet janë duke u mbikqyrur personalisht nga UD.Kryeshefi Ekzekutiv i KRU “Gjakova”, Mr.Sci.Visar Hasi.

KRU “Gjakova” SH.A.