Lajme

E nderuara familje Lila,

Me dhembje të thellë morëm lajmin për humbjen e jetës së më të dashurit tuaj, Dr Rifat Lila, mjek dhe bashkëpuntorë i yni ndër vite!

Ai ishte ndër mjekët më të nderuar dhe më të aftë, gjithmonë pozitiv dhe i buzëqeshur, me humbjen e Dr Rifatit, Gjakova humbi një doktor të devotshëm!

Njerëzit si Rifat Lila, gjithmonë lënë pas vetes dhembje, por edhe kujtime të mira, prandaj vepra e tij jetësore është ngushëllim edhe për familjarët, komunitetin e doktorëve dhe të gjithë atyre që e kanë njohur.

Në emër timin dhe të Kompanisë Rajonale të Ujësjellësit “Gjakova”, pranoni ngushëllimet më të sinqerta!

Me respekt,

Ismet Ahmeti

Kryeshef Ekzekutiv i

KRU “Gjakova” Sh.A.

Kjo ditë i dedikohet punëtorëve në mbarë globin, të cilët, me punën e përkushtimin e tyre i japin shumë kujt mundësi jetese.

Me këtë postim duam t’u shprehim falenderim të madh, punëtorëve të Ujësjellësit KRU “Gjakova” në krye me Kryeshefin Ekzekutiv z. Ismet Ahmeti, të cilët me punën dhe perkushtimin e tyre bënë që KRU “Gjakova” të rënditet ndër vite si kompania më e sukseshme në vend.

Gëzuar 1 Maji!

Gëzuar dita e punëtorit!

Përzemërsisht KRU “Gjakova” Sh.A!

KRU “Gjakova” njofton të gjithë konsumatorët (amvisëri, biznese dhe institucione), në njësitë Gjakovë, Rahovec dhe Prizren, se konsumatorët të cilët kanë borxhe ndaj kompanisë në vlerë mbi 100 Euro, duhet të kryejnë pagesat obligative kundrejtë ujit të shpenzuar, ndryshe përkundër dëshirës sonë, jemi të detyruar të vazhdojmë procedurat e dërgimit të borxhlinjëve tek përbaruesit privat.

KRU “Gjakova” njëherit ua rikujtonë konsumatorëve se ekziston mundësia e riprogramimit të borxhit, me kusht që të paguajnë 20% të vlerës të cilën e kanë borxh dhe pjesa tjetër do të ju riprogramohet për 24 muaj, mundësi e pagesës së borxhit me këste.

Mbesim me shpresë se njoftimi ynë do të respektohet nga ana juaj!

Faleminderit për mirëkuptim

KRU “Gjakova”SH.A.

26.04.2021.

U pensionua sot një tjetër punëtor i zellshëm i KRU “Gjakova”.

Z. Avdi Kusari kontribuoi mëse 34 vite në Kompaninë Rajonale të Ujësjellësit si i punësuar që nga viti 1987, së fundmi z.Kusari aktivitetin e vet punues e zhvilloi në Departamentin Teknik të KRU “Gjakova”, duke qenë një puntorë i dalluar deri në pensionimin e tij.

Me rastin e pensionimit të tij z.Kusari, u shpreh falënderues ndaj gjithë stafit të KRU “Gjakova”, bashkëpunëtorëve dhe kolegëve të tij me të cilët ndau shumë vite përvojë jetësore duke ruajtur një respekt të veqantë.

Ndërsa Kryeshefi Ekzekutiv z.Ismet Ahmeti si dhe gjithë stafi i KRU “Gjakova” kanë uruar kolegun e tyre me rastin e pensionimit, duke i dëshiruar shëndet, mbarësi dhe falenderime të panumërta për kontributin dhe eksperiencën e ndarë sëbashku.

KRU “Gjakova” SH.A.

22.04.2021.

Si aktivitet i mirëmbajtjes së kanalizimit, për pos debllokimit dhe pastrimit të pusetave, ekipet adekuate nga KRU “Gjakova” janë duke bërë njëkohësisht dhe inspektimin e pusetave të kanalizimit-fekal.

Gjatë këtij aktiviteti punues, bëhet verifikimi i gjendjes aktuale të pusetave, gjendjes fizike të tyre, lidhjeve shtëpiake si dhe inqizimi gjeodezik i tyre ku të gjitha të dhënat faktike futen në sistemin GIS.

Ky aktivitet momentalishtë është duke u zhvilluar në rrugën “Gjergj Fishta” si dhe “Rrustem Berisha” në Orizen Jugore-Gjakovë.

Deri më tani është bërë inspektimi i mëse 25 pusetave.

Ndërsa banorët i lusim për më shumë kujdes, mos dëmtoni rrjetin e kanalizimit në objektet tuaja të banimit!

Tregoni më shumë vetëdijësim ndaj rrjetit të kanalizimit sepse problemet e shfaqura në rrjetin e kanalizimit reflektojnë në kualitetin e jetës dhe mirëqënjes suaj.

KRU “Gjakova” SH.A.

22.04.2021.

Ky intervenim nga puntorët e KRU “Gjakova” ishte i domosdoshëm për shkak të eliminimit të rrjedhjes së ujit si pasojë e dëmtimit të gypit fi 63.

Furnizimi me ujë për banorët e kësaj zone do rikthehet brenda një ore.

Faleminderit për mirëkuptim

KRU “Gjakova”SH.A.

16.04.2021.

Përkundër terenit të vështirë dhe borës e cila vazhdon të jetë prezente me një sasi të dendur, Ekipa e Mirëmbajtjes së KRU “Gjakova” njësia e Rekës së Keqe, bëjnë një punë të jashtëzakonshme në kontrollimin dhe pastrimin e Veprës Marrëse e cila ndodhet në Bjeshkët e “Babaj Bokës”.

Falë angazhimit të përditshëm të këtyre puntorëve dhe gjithë stafit të KRU “Gjakova”, sot banorët e 34 fshatrave të Rekës së Keqe i gëzohen ujit të pijes!

Uji është gjëja thelbësore për mbijetesën tonë, qmojeni atë!

KRU “Gjakova”SH.A.

15.04.2021

Dezinfektimi po bëhet në të gjitha njësit, Gjakovë, Prizren, Rahovec si dhe Stacioni i Filtrimit!