Lajme

KRU Gjakova apelon me theks të veçantë tek konsumatorët e fshatit Xërxë por dhe të gjithë konsumatorët tjerë që të kenë kujdes në përdorimin e ujit të ujitjes, mos ta përziejnë atë me ujë të pijes.

“Me datë 16.09.2019 kontrolla e KRU Gjakova ka hasur në një konsumator i cili ka bërë përzierjen e ujit të ujitjes me ujë të pijes dhe menjëherë i kanë njoftuar inspektorët sanitarë në Rahovec, poashtu ne si Kompani kemi përgatitur edhe kallëzimin penal ndaj këtij konsumatori”, thuhet në reagimin e KRU Gjakova.

KRU Gjakova lut të gjithë konsumatorët që të jenë të kujdesshëm në përdorimin e ujit të ujitjes dhe të mos e përziejnë me ujin e pijes siç ka bërë konsumatori i cekur më lartë.

“Sepse siç dihet një veprim i tillë mund të ketë pasoja të rënda në shëndetin e popullatës, dhe për raste të tilla Kompania jonë nuk merr përgjegjësi”, thuhet në fund të apelit të KRU Gjakova drejtuar konsumatorëve./KosovaPress/

KRU Gjakova apelon me theks të veçantë tek konsumatoret e fshatit Xërxe por dhe të gjithë konsumatorët tjerë që të kenë kujdes në përdorimin e ujit të ujitjes, mos ta përziejnë atë me ujë të pijes.

Me datë 16.09.2019 kontrolla e KRU Gjakova ka hasur në një konsumator i cili ka bërë përzierjen e ujit të ujitjes me ujë të pijes dhe menjëhere i kanë njoftuar inspektorët sanitarë në Rahovec, poashtu ne si Kompani kemi përgatitur edhe kallëzimin penal ndaj këtij konsumatori.

KRU Gjakova njofton konsumatorët që për shkak të defektit në gypin Ø 300, që ka ndodhur në fshatin Gexhe, do të mbesin pa ujë fshatrat: Gexhe, Radostë, Ratkoc, Vrajakë dhe Bratatin.

Kompania ka ndërmarrur të gjitha masat që sa me shpejtë ta eleminojë këtë defekt dhe ta rikthejë furnizimin me ujë.

Ministri i Mjedisit dhe Planifikimit Hapësinor (MMPH), Fatmir Matoshi dhe kryeshefi i Kompanisë rajonale të Ujësjellësit “Gjakova”, kanë nënshkruar memorandum për vazhdimin e punimeve për ndërtimin e ujësjellësit për 28 fshatra të Komunës së Gjakovës, raporton Ekonomia Online.

Matoshi tha se MMPH-ja investon edhe 750 mijë euro për ujësjellësin në 28 fshatra të Gjakovës.
“Sot me kryeshefin KRU ‘Gjakova’ nënshkruam një memorandum bashkëpunimi për vazhdimin e ndërtimit të ujësjellësit për 28 fshatra”.

Sot me datë: 10/09/2019.

Kryeshefi Ekzekutiv i KRU Gjakova - z.Ismet Ahmeti, i shoqëruar nga Drejtori Teknik - z.Muhamet Lama dhe Drejtori Financiar - z.Kastriot Zhaveli morën pjesë në Punëtorinë për Përmirësimin e Ndikimeve Klimatike të Ndërmarrjeve të Shërbimeve të Ujit.

Qeveria Zvicerane përmes Sekretariatit Shtetëror për Ҫështje Ekonomike (SECO) është duke ndërmarrë një Studim Vlerësimi për projektin "Përmirësimi i Ndikimeve Klimatike të Ndërmarrjeve të Shërbimeve të Ujit në Kosovë".

Njoftohen banorët në zonen Bec - Doblibare ku përfshihen fshatrat: Bec, Vraniq, Doblibare, Bordosanë dhe Rezina, se për shkak të ekzekutimit të projektit nga investitori CDI nga Zvicra i cili projekt ka për qëllim zvoglimin e ujit të pa faturuar me anë të cilit projekt do të përmisohet furnizimi me ujë i banorëve të kësaj ane jemi të detyruar që të ndërprejmë furnizimin me ujë me datë: 10/09/2019 nga ora 10:00 deri në ora 15:00.

Kjo ndërprerje e furnizimit shpresojmë që do të jetë e fundit në kuader të këtij projekti. Por eventualisht uji mund të ndërprehet edhe me datë: 11/09/2019 vetëm për pak kohë, nëse ndodhë ndërprerja do të jeni të informuar për çdo të re në kohë reale.

Ne ju falemnderojmë dhe ju lutem për mirëkuptim banorëve të cilët do të mbesin pa ujë në këtë kohë.

Me respekt, KRU Gjakova.

Në takimin e Bordit të SHUKOS, të datës 30.08.2019, është trajtuar pika e rendit të dites “Kriza e thatesisë së Regjionit të Gjilanit dhe furnizimi me Ujë të pijes”.

Aty thuhet që: Duke u bazuar në gjendjen ekzistuese të rezervës së ujit të pijes ne KRU “Hidromorava”, është diskutuar edhe për gjendjen në KRU “Bifurkacioni”, dhe është nxjerrë konstatimi se gjendja është alarmante në të dy Kompanitë. Bordi i SHUKOS ka rekomanduar: të gjitha komapanitë të shprehin gatishmërinë e tyre për ndihme në furnizim me Ujë të pijes të qytetarëve të këtyre dy regjioneve.
Qëllimi I kërkesës: KRU-të ti përkrahin këto dy kompani me furnizim me ujë të pijes, me autobote apo me mundësi të tjera të kërkuara.

Furnizim me bombola të klorit të gazet - Ri Tender.

• Kliko Këtu

Sot me datë: 30.08.2019, në Stacionin e Filtrave të KRU Gjakova ishin në vizitë përfaqësues të KFOR-it nga Turqia, Portugalia, Suedia dhe Hungaria.

Ata panë nga afër punën që bëhet në Stacionin e Filtrimit dhe mbeten jashtëzakonisht shumë të kënaqur.

KRU Gjakova i falenderon për vizitën.

KRU Gjakova njofton të gjithë Konsumatoret të cilët i kryejnë pagesat përmes transaksioneve të bankës (E-banking), në përshkrimin që iu kërkohet tek transaksioni të shkruajnë Emrin dhe Mbiemrin i cili ndodhet në faturë dhe kodin gjashtë shifror të konsumatorit të po asaj fature.

Për konsumatorët fizik AXXXXXX dhe kodin katër shifror kurse për konsumatorët juridik Bxxxx,

Shumë pagesa janë të panjohura për ne dhe në mungesë të të dhënave adekuate, në këtë situatë Kompania nuk merr asnjë përgjegjësi për mos shlyerjen e borxhit tek ato transaksasione të cilave iu mungojnë të dhënat.

Faleminderit për mirëkuptimin tuaj.