Lajme

KRU “Gjakova” inkurajon konsumatorët në të gjithë zonën e shërbimit Gjakovë, Rahovec, Prizren që të shfrytëzojnë pikat e Postës së Kosovës, në #zyratpostare ju mund të paguani faturat e ujit, shpejt, sigurt dhe PA PROVIZION. Konsumatorët gjatë pagesës duhet të posedojnë faturën mujore që të verifikohet kodi i konsumatorit, pagesa juaj do procedohet në mënyrë automatike në sistemin e Ujësjellësit si dhe ky shërbim nuk përmban kosto shtesë.

KRU “Gjakova” falënderon të gjithë konsumatorët për bashkëpunimin duke kryer me rregull pagesën e faturave të ujit!

"Beteja për të siguruar ujin në shumë rajone të botës është një sfidë e vërtetë.

Shpenzoni racionalisht ujin e pijshëm, mos e keqpërdorni atë, ndihmoni që furnizimi të jetë i barabartë për të gjithë.
Kurseni ujin që ta keni!"

Nxënësit e Klubit për Kajakim Peja Kayak, të angazhuar vullnetarisht në pastrimin e brigjëve të Liqenit të Radoniqit.

Nxënësit së bashku me ekipet e sigurimit nga KRU “Gjakova” u kujdesën për mbrojtjen e mjedisit duke dhënë një shembull të shkëlqyer për tu ndjekur!

Si pasojë e thatësirave, temperaturave të larta dhe keqpërdorimit të ujit kemi rënie të Burimit në Bjeshkën e “Babaj Bokës” dhe furnizimi me ujë është i pamjaftueshëm.
Me qëllim të sigurimit të ujit për të gjithë zonën jemi të detyruar të aplikojmë reduktime për mbushjen e rezervuarëve.
Reduktimet do aplikohen në disa fshatra të Rekës në kohë të ndryshme, kryesisht orëve të para të mëngjesit dhe orëve të mbrëmjes.
Kjo gjendje do të vazhdoi deri në përmirësim të situatës me furnizim.
Apelojmë tek të gjithë konsumatorët kryesisht ata që furnizohen nga burimet të mos e keqpërdorin ujin e pijes duke e ndërlikuar situatën e furnizimit të rregullt me ujë!
KRU "Gjakova" Sh. A.

Përveç impenjimeve të ndryshme në mirëmbajtjen e rrjetit të ujit dhe kanalizimit, shërbime të ndryshme ndaj konsumatorëve, punëtorët kohe pas kohe duhet të angazhohen dhe në pastrimin e ambienteve për rreth Liqenit të Radoniqit.

Jo rrallë herë ambientet janë mjaft të ndotura nga hedhja e mbetjeve që persona të pandërgjegjshëm, përmes rrugëve anësore frekuentojnë sipërfaqen për rreth liqenit.

Kujdes- përveç peshkatarëve të cilët në këtë periudhë shfrytëzojnë lejen e peshkimit, hyrja në ambientet për rreth Liqenit të Radoniqit është e ndaluar për qytetarët për rekreacion, piknik, larje etj. Veprime të tilla janë të dënueshme komfor Nenit 22 dhe 23 të Udhëzimit Administrativ të MMPH për Përcaktimin e Zonave të Mbrojtura Sanitare të Burimeve të Ujit.

KRU "Gjakova" SH.A.

Inspektimi në teren mbi kyçjet ilegale.

Vazhdon inspektimi në teren nga ekipet e KRU “Gjakova” në identifikimin e keqpërdoruesve të rrjetit të ujësjellësit.
Gjatë këtyre ditëve ekipa e kontrollës gjatë inspektimit, ka identifikuar kyçje ilegale kryesisht në fshatin “Cërmjan”, po ashtu keqpërdorim i ujit është hasur dhe në fshatin “Karashëngjergj” - Komuna e Prizrenit, si dhe një dyqan në Gjakovë që ushtron veprimtarinë e bukëpjekësit.
Ekipet tona vazhdojnë punën në teren në identifikimin e këtyre rasteve, ndaj të cilëve do hapen edhe procedura ligjore komfor ligjit dhe rregulloreve në fuqi. Përveç dënimeve të detyrueshme sipas rregulloreve nga Autoriteti Rregullator i Ujërave.
Apelojmë tek konsumatorët që të tregojnë përgjegjshmëri në shfrytëzimin e drejtë të shërbimeve nga rrjeti i Ujësjellësit të KRU "Gjakova".