Ndërrimi i gypave të rrjetit të ujësjellësit

Në vazhdën e projekteve si bashkëfinancim me Komunën e Gjakovës vazhdojnë punimet në realizimin e projektit – “Ndërrimi i gypave të rrjetit të ujësjellësit. nga AC në PE, nga “Emin Duraku” deri në fshatin Osek Hyl-Gjakovë”

Gjatësia e gypit kryesor furnizues DN 315m/10bar është L 1100m, ndërsa me gjatësinë e gypave sekondar totali arrin në 6670m.Punimet e ekzekutimit të gypit të ri kanë përfunduar, tashmë jemi në procesin e kyçjeve individuale nga gypi i vjetër në gypin e ri.

Sipas marrëveshjes në realizimin e këtij projekti KRU "Gjakova" do të participojë me 51% ndërsa Komuna e Gjakovës me 49%, projekti në total përfshinë vlerën 326,575.74€.

KRU "Gjakova", mbetet e përkushtuar në realizimin e synimeve të saja, në zgjerimin dhe përmirësimin e zonës së furnizimit me ujë cilësorë si dhe shërbime efikase për të gjithë konsumatorët e saj.

KRU “Gjakova” SH.A. 26.02.2024

 

Write a Comment

Adresa juaj email s’do të bëhet publike.