Lajme

Ekipet e mirëmbajtjes së KRU “Gjakova”, njësia e ujërave të ndotura është gjithmonë në teren, në ndihmë të konsumatorëve në debllokim të kanalizimit.
Mirëmbajtja e rrjetit të kanalizimit si pastrimi i pusetave, zhbllokimi i kanalizimeve, është një punë sfiduese ku me hedhjen e mbeturinave të ndryshme ky proces po bëhet gjithnjë e më i vështirë.
Si pasojë e abuzimit të qytetarëve duke bërë hedhjen e mbeturinave të ndryshme në rrjet, vjen deri tek bllokimi i kanalizimeve.
Të ilustruara me foto kemi rastin në Fshatin “Drenoc” Komuna e Rahovecit, ku ekipet e kësaj njësie intervenuan në pastrimin/zhbllokimin, në rrjetin e kanalizimit, ku fatkeqësisht është e dhimbshme se çfarë është nxjerrë nga puseta.

KUJDES, ndaj rrjetit të kanalizimit sepse problemet e shfaqura në rrjetin e kanalizimit reflektojnë në kualitetin e jetës dhe mirëqenies suaj.

Kryeshefi Ekzekutiv Hasan Krasniqi, Kryesuesi i Bordit të Drejtorëve Urim Gashi si dhe Sekretarja e Kompanisë Saranda Vehapi në KRU “Gjakova”, sot mirëpriten në takim Komisionerën e Agjencisë për Informim dhe Privatësi, znj. Krenare Sogojeva Dërmaku si dhe bashkëpunëtoret e kësaj agjencie. 

Temë e diskutimit në këtë takim ishte ‘’ Zbatimi i Legjislacionit për Mbrojtjen e të Dhënave Personale në Ndërmarrjet Publike’’, me qëllim  promovimin e së drejtës së privatësisë. 

Pjesëmarrësit e takimit një zëri u dakorduan që në mënyrë reciproke të punohet gjithnjë e më shumë në  synimin e ndërgjegjësimit të publikut rreth çështjeve të privatësisë, promovimin e praktikave më të mira për mbrojtjen e të dhënave personale dhe inkurajimin e institucioneve që të ndërmarrin hapa për të mbrojtur privatësinë. 

Me kërkesë të disa prej konsumatorëve në vazhdim ju bashkëngjisim, llogaritë bankare të KRU “Gjakova” ku ju mund të kryeni pagesat e ujit.

-Raiffaisen Bank: 1505001000871728

-NLB Banka: 1704001011052404

-PCB Banka: 1140010589000187

-Banka Ekonomike: 1402000001750688

-TEB Banka: 2018000002722674

-BPB Banka: 1306001500002065

-BKT Banka: 1930904868041195

Gjithashtu vazhdojnë punën me orarë të rregullt të gjitha pikat tona arkëtuese duke ju mundësuar lehtësira në qasjen për pagesa.

Duke kryer obligimet tuaja, na ndihmoni t’ju shërbejmë gjithnjë e më mirë në furnizim me ujë të pijes.

K.R.U. “GJAKOVA” SH.A

24.01.2024.

Sot u nënshkrua një Memorandum i Bashkëpunimit në mes të Kryeshefit Ekzekutiv të KRU Gjakova – z. Hasan Krasniqi dhe Dekanit të Universitetit “Isa Boletini”-Mitrovicë, Fakulteti i Teknologjisë Ushqimore z.Mensur Kelmendi.

Përmes këtij memorandumi të bashkëpunimit të dy  palët kanë shprehur vullnetin       dhe gatishmërinë për bashkëpunim dhe njohje të ndërsjellë duke synuar ngritjen dhe zhvillimin e mëtejshëm të kapaciteteve dhe njohurive profesionale. Qëllimi i bashkëpunimit  është që të kontribuohet në ngritjen e relevancës dhe përshtatshmërisë së sektorit të arsimit të lartë me ato të nevojave të tregut si dhe të sigurohet ndikimi pozitiv në rritjen e efektshmerisë së bizneseve në sektorin e inxhinierisë, dhe ekonomisë.

Njëkohësisht Studentët e FTU-së do ta zhvillojnë punën praktike-profesionale në Impiantin e Trajtimit të Ujërave të Ndotura në Gjakovë.

KRU “Gjakova” falënderon Universitetit “Isa Boletini”-Mitrovicë, që  vlerëson punën dhe profesionalizmin tonë ndërsa  ju urojmë suksese të gjithë studentëve që do kenë fatin të kryejnë praktiken universitare në Impiantin e Trajtimit të Ujërave të Ndotura!

KRU “Gjakova” SH.A.

15.12.2023.

KRU “Gjakova” përmes një njoftimi ka kërkuar mos kyçje në rrjetin e ujësjellësit pa autorizim.

Njoftimi i plotë i KRU “Gjakova” :

Njoftojmë konsumatorët e K.R.U Gjakova Sh.A, se për tu kyçur në Rrjetin e Ujësjellësit dhe Kanalizimit duhet të paraqitën paraprakishtë në Zyrat e Ndërmarrjes KRU “Gjakova” për tu pajisur me autorizim përkatës. Në të kundërtën të gjitha kyçjet e pa autorizuara konsiderohen kyçje ilegale dhe do të ndëshkohen sipas rregullores nr. 14/2021, nga Autoriteti Rregullativ i Ujërave (ARRU). 

Ju faleminderit për mirëkuptim. 

KRU”Gjakova” SH.A. 

21.06.2023

Paraqiten turbullira në furnizimin me ujë të pijes në zonën e Rekës së Keqe.

Pas monitorimit dhe mostrave të mara para pak momentesh në zonën e furnizimit Reka e Keqe, është konstatuar se turbullira e ujit në këtë zonë është paksa e ngritur si pasojë e prurjes së madhe të ujit për shkak të shkrirjes së borës. Turbullira në furnizim me ujë të pijes janë shfaqur në burimin e ujit të “Bjeshkës Babaj Bokës” nga ku furnizohen konsumatorët e zonës.
Andaj ju sugjerojmë konsumatorëve të zonës-Reka e Keqe që ujin të mos e përdorin për pije, deri në lajmërimin tjetër nga KRU “Gjakova”.

KRU “Gjakova” SH.A.
06.05.2023