Kategori: <span>Lajme</span>

Si pasojë e thatësirave, temperaturave të larta dhe keqpërdorimit të ujit kemi rënie të Burimit në Bjeshkën e “Babaj Bokës” dhe furnizimi me ujë është i pamjaftueshëm.
Me qëllim të sigurimit të ujit për të gjithë zonën jemi të detyruar të aplikojmë reduktime për mbushjen e rezervuarëve.
Reduktimet do aplikohen në disa fshatra të Rekës në kohë të ndryshme, kryesisht orëve të para të mëngjesit dhe orëve të mbrëmjes.
Kjo gjendje do të vazhdoi deri në përmirësim të situatës me furnizim.
Apelojmë tek të gjithë konsumatorët kryesisht ata që furnizohen nga burimet të mos e keqpërdorin ujin e pijes duke e ndërlikuar situatën e furnizimit të rregullt me ujë!
KRU "Gjakova" Sh. A.

Përveç impenjimeve të ndryshme në mirëmbajtjen e rrjetit të ujit dhe kanalizimit, shërbime të ndryshme ndaj konsumatorëve, punëtorët kohe pas kohe duhet të angazhohen dhe në pastrimin e ambienteve për rreth Liqenit të Radoniqit.

Jo rrallë herë ambientet janë mjaft të ndotura nga hedhja e mbetjeve që persona të pandërgjegjshëm, përmes rrugëve anësore frekuentojnë sipërfaqen për rreth liqenit.

Kujdes- përveç peshkatarëve të cilët në këtë periudhë shfrytëzojnë lejen e peshkimit, hyrja në ambientet për rreth Liqenit të Radoniqit është e ndaluar për qytetarët për rekreacion, piknik, larje etj. Veprime të tilla janë të dënueshme komfor Nenit 22 dhe 23 të Udhëzimit Administrativ të MMPH për Përcaktimin e Zonave të Mbrojtura Sanitare të Burimeve të Ujit.

KRU "Gjakova" SH.A.

Inspektimi në teren mbi kyçjet ilegale.

Vazhdon inspektimi në teren nga ekipet e KRU “Gjakova” në identifikimin e keqpërdoruesve të rrjetit të ujësjellësit.
Gjatë këtyre ditëve ekipa e kontrollës gjatë inspektimit, ka identifikuar kyçje ilegale kryesisht në fshatin “Cërmjan”, po ashtu keqpërdorim i ujit është hasur dhe në fshatin “Karashëngjergj” - Komuna e Prizrenit, si dhe një dyqan në Gjakovë që ushtron veprimtarinë e bukëpjekësit.
Ekipet tona vazhdojnë punën në teren në identifikimin e këtyre rasteve, ndaj të cilëve do hapen edhe procedura ligjore komfor ligjit dhe rregulloreve në fuqi. Përveç dënimeve të detyrueshme sipas rregulloreve nga Autoriteti Rregullator i Ujërave.
Apelojmë tek konsumatorët që të tregojnë përgjegjshmëri në shfrytëzimin e drejtë të shërbimeve nga rrjeti i Ujësjellësit të KRU "Gjakova".

Anadrini PRESS KEQPËRDORIME DRASTIKE TË UJIT NË RAHOVEC, LAGJE TË TËRA PA UJ!

Derisa po përballemi me temperatura të larta verore, banorët e qytetit të Rahovecit dhe jovetëm ballafaqohen me mungesë të ujit të pijshëm.

Të shqetësuar nga kjo gjendje, portal Anadrini PRESS ka kontaktuar kompaninë KRU Gjakova që është furnizuese e komunës së Rahovecit me uj të pijshëm.

Në prononcimin e tij, Kryeshefi Ekzekutiv i KRU Gjakova z. Hasan Krasniqi na njoftoi se Rahoveci furnizohet me më shumë se dyfishin e ujit të nevojshëm, në bazë të kapaciteteve njerëzore, por keqpërdorimet e larta të ujit të pijshëm bëjnë që qytetarët e kësaj komune të vuajnë mungesën e ujit.

Ai tregon se në Rahovec funksionon një rrjet shumë i zhvilluar ilegal i gypave të ujit përmes të cilit keqpërdoret uji i pijshëm duke u përdorur për ujitjen e tokave bujqësore.

1. Krasniqi shkon edhe më largë, duke na treguar se KRU Gjakova ka informacione se keqpërdoruesit arrijnë që në disa raste të korruptojnë edhe vet punëtorët e kompanisë, në mbrojtje të rrjeteve të tyre ilegale të ujit.

Më poshtë mund të lexoni prononcimin e Kryeshefit Ekzekutiv të KRU Gjakova z. Hasan Krasniqi dhënë ekskluzivisht për portalin Anadrini PRESS;

“Keqpërdorimi i ujit në komunën e Rahovecit është shumë i madh. Aktualisht llogaritet që humbjet e ujit në rrjet ka arritur deri në 70%. Kapaciteti i prodhimit në fabrikën e ujit të pijes është rritur nga 400 litra në second në 700 litra në second. KRU Gjakova e furnizon Rahovecin me 8500 kubik uj në 24 orë që i bie më shumë se dyfishi i furnizimit të nevojshëm në kushte normale (Rahoveci do të duhej të merrte maksimumi 3500 kubik uj në 24 orë). Fatkeqësisht njerëzit atje kanë ndërtuar infrastrukturë nëntoksore ilegale me vite të tëra, për të ujitur tokën. Ne jemi duke e hulumtuar dhe kohë pas kohe jemi duke e eleminuar këtë rrjet, por është shumë i zhvilluar dhe vështirë të zbulohet.

Është e kuptueshme që Rahoveci është komunë ku është e zhvilluar bujqësia por uji i pijes është i destinuar për njerzit pasi që ky uj trajtohet e mandej del në rrjet.

Kompania jonë e sjell ujin në Rahovec me ramje të lirë, deri në rezervoarin nr.1 e mandej me pompa i furnizon rezervoarët 2 dhe 3 dhe 4 prej nga me ramje të lirë furnizohet popullata. Për këto pompa shpenzohen rreth 10.000€ energji elektrike në muaj, vetëm për Rahovecin.

Në gypat furnizues nga 1-shi, për rezervoarët tjerë, nuk guxon të ketë dalje (furnizim) sepse pompat në vend se të mbushin rezervoarët shpërndarës, e dërgojnë ujin me shumicë në degëzimet ilegale nëntoksore kurse rezervoarët e popullatës mbeten të pambushur.

Disa njerëz në Rahovec ilegalisht i ndalin ventilat kryesorë të një degëzimi për të rritur kapacitetin e ujit në rrjetin ilegal përmes të cilit ujiten arat (në mbrëmje dhe gjatë natës). Kjo është vepër penale prandaj disa persona tashmë janë në procedurë. Të tillëve nuk ju vjen keq që i lënë familje të tëra (gra e fëmijë) pa ujë. Kur këto raste lajmërohen, ne intervenojmë.

Fatkeqësisht na vijnë informata se edhe punëtorët tanë shpesh bëhen pjesë e keqpërdorimit të ujit atje duke u korruptuar nga këta keqpërdorues.

Fatkeqësisht jemi të detyruar që të fillojmë me reduktime me qëllim që ti mbushim rezervuaret në mënyrë që popullata të furnizohet me uj.

Apelojmë që të ndalen keqpërdorimet sepse situata është shumë e vështirë.”

Vërejtje para ngritjes së Procedurës për Ekzekutim te Përmbaruesi Privat.

Të nderuar konsumator, nga Sektori i  Shitjes na njoftojnë  se jemi duke shpërndarë  vërejtje ndaj  konsumatorëve të cilët kanë borxhe të mbledhura mbi 50 euro, për ti njoftuar paraprakisht mbi masat dhe procedurat që jemi të detyruar ti ndjekim komfor rregulloreve në fuqi.

Konsumatorët të cilët njoftohen paraprakisht me anë të "Vërejtjes para ngritjes së Procedurës për Ekzekutim te Përmbaruesi Privat", në afat prej 5  ditësh janë të detyruar të paraqiten në zyrat tona me qëllim të kryerjes së obligimit ndaj  borxhit ose ri programimit të tij me këste  deri 24 muaj.

Në rast të mos përgjigjes ndaj obligimeve kundrejt borxhit ,  ne si ofrues i shërbimeve jemi të detyruar  të aplikojmë  procedurat  përmbarimore,  tek Përmbaruesit Privat. Duke mos dashur të ju implikojmë me shpenzime shtesë, ftojmë konsumatorët borxhlinj që të përmbushin obligimet e tyre  si detyrim ndaj shërbimeve që ju ofrojmë dhe shpenzimit të ujit.

Mbesim me shpresë se njoftimi ynë do të respektohet nga ana juaj!

KRU "Gjakova"SH.A.

10.06.2024.

 

Vizitë në Digën e Liqenit të Radoniqit nga përfaqësues të Bankës Botërore. 

Stafi i inxhiniereve të KRU “Gjakova” kanë mirëpritur për vizitë në Liqenin e Radoniqit, grupin e ekspertëve të digave nga Banka Botërore ku është bërë verifikimi i gjendjes aktuale të Digës së Liqenit të Radoniqit dhe nevojave aktuale për rehabilitim. 

Në bazë të analizave u dakordua të ipen sugjerimet të cilat do i paraprijnë investimeve të nevojshme në rehabilitim të digave. 

 

KRU “Gjakova” SH.A. 

07.06.2024.