Autor: <span>admin1</span>

Sot, me ndjenja mirënjohjeje dhe respekti të thellë, nderojmë pensionimin e z. Ismet Berisha, një udhëheqës të jashtëzakonshëm që për më shumë se 23 vite dha kontributin e tij të çmuar në KRU “Gjakova”, Njësia Prizren.

Me përkushtim, mençuri dhe karakter të dalluar, z. Berisha nuk ishte vetëm një menaxher i suksesshëm, por edhe një bashkëpunëtor shembullor dhe mik i vërtetë për të gjithë ne.

Përkushtimi dhe puna e tij do të mbeten frymëzim për të gjithë brezat që vijnë.

Faleminderit për çdo moment të ndarë së bashku, për përvojën e vlefshme dhe shembullin që na dhatë.

Ju urojmë shëndet, lumturi dhe ditë të mbushura me gëzim në këtë kapitull të ri të jetës suaj!

Ju informojmë se çkyçjet për konsumatorët që nuk i kanë përmbushur obligimet financiare ndaj shfrytëzimit të ujit janë duke vazhduar në të gjithë zonën e shërbimit.

Duke qenë se kanë mbetur edhe vetëm 3 ditë deri në përmbylljen e muajit, ju ftojmë që të realizoni pagesat në kohë, për të shmangur procedurat përmbarimore ose çkyçjen nga sistemi i furnizimit me ujë.

Faleminderit për bashkëpunimin!

KRU “Gjakova” mbetet e përkushtuar ndaj përmirësimit të vazhdueshëm të shërbimeve dhe investimeve në të mirë të qytetarëve dhe mjedisit!

Ju rikujtojmë të gjithë konsumatorëve që të kryejnë sa më parë pagesat e prapambetura ndaj KRU “Gjakova”, për të shmangur masat e çkyçjes. Po ashtu, ju ofrojmë mundësinë e riprogramimit të borxhit me këste deri në 36 muaj, për ta lehtësuar pagesën tuaj.

Mos lejoni që të ndërmerren veprime si çkyçja apo përmbaruesi! Kryeni obligimet tuaja me kohë!

KRU “Gjakova” – Njësia Rahovec, në bashkëpunim me Komunën e Rahovecit, ka filluar punimet për përmirësimin e rrjetit të ujësjellësit në Rrugën “Muharrem Dina” – Rahovec.

Punimet përfshijnë: Ndërrimin e gypit të vjetër 5/4 me gyp të ri të profilit Fi 63, lidhjet përkatëse me rrjetin ekzistues, me qëllim të rritjes së kapacitetit dhe cilësisë së furnizimit me ujë të pijes.

Ky projekt është pjesë e përkushtimit tonë për përmirësimin e infrastrukturës së ujësjellësit dhe ofrimin e një shërbimi më efikas për qytetarët!

KRU “Gjakova” Sh.A.

16.04.2025.

Të gjithë konsumatorët që janë njoftuar më herët dhe nuk i janë përgjigjur obligimeve të tyre financiare, do të jenë objekt i çkyçjes nga rrjeti i ujësjellësit, në të gjithë zonën tonë të shërbimit.

Janë shfrytëzuar të gjitha procedurat administrative paraprake dhe, për shkak të mos përmbushjes së detyrimeve, aksioni po vazhdon pa përjashtim. Ftojmë edhe njëherë të gjithë konsumatorët që të kryejnë obligimet e tyre sa më parë dhe të shmangin çkyçjen nga shërbimi.

KRU “Gjakova” SH.A.

15.04.2025.

Ekipet e mirëmbajtjes së Njësisë Rahovec, kanë realizuar sot me sukses dy intervenime të rëndësishme në rrjetin e ujësjellësit në qytetin e Rahovecit: Në rrugën “Slloven Radic”, është sanuar një defekt në gypin furnizues me diametër Ø80 mm. Pas evidentimit të problemit, ekipet teknike ndërhynë menjëherë për riparimin e defektit dhe rikthimin e rrjedhshmërisë së rregullt të ujit në këtë zonë.

Në rrugën “Gani Mullaabazi”, është realizuar rregullimi i defektit në gypin me diametër 5/4”, si dhe është bërë edhe rregullimi i shtypjes së ujit në këtë segment të rrjetit. Ky intervenim ka mundësuar stabilizimin e presionit dhe furnizim të qëndrueshëm me ujë për banorët e kësaj zone.

Të nderuar konsumatorë, që nga Shkurti 2025, kemi kaluar në një sistem të ri softuerik!

Si rezultat, konsumatorët e rinj të regjistruar nga ky muaj kanë një kod të ri identifikimi, i cili ndryshon nga ai i konsumatorëve të regjistruar më herët.

Konsumatorët e rinj tani kanë kode që fillojnë me shkronjën K dhe janë 6-shifrorë (KXXXXXX).

Konsumatorët ekzistues vazhdojnë me kodet e mëparshme që fillojnë me shkronjën A (AXXXXXX).

Kujdes! Çdo herë kur kryeni pagesën, sigurohuni të përmendni edhe shkronjën me të cilën fillon kodi juaj. Kodin tuaj mund ta gjeni në pjesën e sipërme të faturës.