Lajme

U bëjmë thirrje të gjithë qytetarëve që të tregojnë kujdes dhe përgjegjësi ndaj rrjetit të kanalizimit. Sot në rrugën “Musa Zajmi”-Gjakovë, kemi hasur në një rast të papranueshëm të keqpërdorimit të kanalizimit. Hedhja e mbeturinave në pusetat e kanalizimit jo vetëm që dëmton rrjetin, por shkakton bllokime, përmbytje dhe pasoja për të gjithë komunitetin. Kjo sjellje tregon mungesë të theksuar të përgjegjësisë qytetare.

Kanalizimi është pasuri e përbashkët dhe mirëmbajtja e tij kërkon bashkëpunimin e të gjithëve nuk është përgjegjësi vetëm e ujësjellësit.

Të jemi më të ndërgjegjshëm kundrejt rrjetiti të kanalizimit.

Ju njoftojmë se Sektori i Shitjes në KRU “Gjakova”, ka filluar shpërndarjen e “Vërejtjeve për Ndërprerje të Shërbimeve të Ujësjellësit”, për të gjithë konsumatorët me borxhe të akumuluara. Këto vërejtje kanë për qëllim njoftimin paraprak mbi masat dhe procedurat që do të ndërmerren në përputhje me rregulloret në fuqi. Konsumatorët që pranojnë këtë vërejtje, kanë afat 5 ditë për t’u paraqitur në zyrat tona, me qëllim të: Shlyerjes së borxhit, ose Riprogramimit të tij në këste deri në 36 muaj. Në rast të mos përgjigjes ndaj këtij obligimi, do të jemi të detyruar të vazhdojmë me procedurat e mëtejshme. Ky njoftim vlen për të gjithë konsumatorët brenda zonës së shërbimit të KRU “Gjakova” sh.a – Gjakovë, Rahovec dhe Prizren, përfshirë të gjitha kategoritë e debitorëve: amvisëri, biznese, ente publike dhe industri.

Faleminderit për mirëkuptim!

KRU “Gjakova” sh.a 06.05.2025.

Sot, me ndjenja mirënjohjeje dhe respekti të thellë, nderojmë pensionimin e z. Ismet Berisha, një udhëheqës të jashtëzakonshëm që për më shumë se 23 vite dha kontributin e tij të çmuar në KRU “Gjakova”, Njësia Prizren.

Me përkushtim, mençuri dhe karakter të dalluar, z. Berisha nuk ishte vetëm një menaxher i suksesshëm, por edhe një bashkëpunëtor shembullor dhe mik i vërtetë për të gjithë ne.

Përkushtimi dhe puna e tij do të mbeten frymëzim për të gjithë brezat që vijnë.

Faleminderit për çdo moment të ndarë së bashku, për përvojën e vlefshme dhe shembullin që na dhatë.

Ju urojmë shëndet, lumturi dhe ditë të mbushura me gëzim në këtë kapitull të ri të jetës suaj!

Ju informojmë se çkyçjet për konsumatorët që nuk i kanë përmbushur obligimet financiare ndaj shfrytëzimit të ujit janë duke vazhduar në të gjithë zonën e shërbimit.

Duke qenë se kanë mbetur edhe vetëm 3 ditë deri në përmbylljen e muajit, ju ftojmë që të realizoni pagesat në kohë, për të shmangur procedurat përmbarimore ose çkyçjen nga sistemi i furnizimit me ujë.

Faleminderit për bashkëpunimin!

KRU “Gjakova” mbetet e përkushtuar ndaj përmirësimit të vazhdueshëm të shërbimeve dhe investimeve në të mirë të qytetarëve dhe mjedisit!

Ju rikujtojmë të gjithë konsumatorëve që të kryejnë sa më parë pagesat e prapambetura ndaj KRU “Gjakova”, për të shmangur masat e çkyçjes. Po ashtu, ju ofrojmë mundësinë e riprogramimit të borxhit me këste deri në 36 muaj, për ta lehtësuar pagesën tuaj.

Mos lejoni që të ndërmerren veprime si çkyçja apo përmbaruesi! Kryeni obligimet tuaja me kohë!

KRU “Gjakova” – Njësia Rahovec, në bashkëpunim me Komunën e Rahovecit, ka filluar punimet për përmirësimin e rrjetit të ujësjellësit në Rrugën “Muharrem Dina” – Rahovec.

Punimet përfshijnë: Ndërrimin e gypit të vjetër 5/4 me gyp të ri të profilit Fi 63, lidhjet përkatëse me rrjetin ekzistues, me qëllim të rritjes së kapacitetit dhe cilësisë së furnizimit me ujë të pijes.

Ky projekt është pjesë e përkushtimit tonë për përmirësimin e infrastrukturës së ujësjellësit dhe ofrimin e një shërbimi më efikas për qytetarët!

KRU “Gjakova” Sh.A.

16.04.2025.