Kur temperaturat rriten, rritet edhe nevoja për ujë, por edhe përgjegjësia ndaj tij!

Sot, kryetari Latifi, u takua me z. Visar Hasin, drejtor teknik i K.R.U. “Gjakova” dhe z. Hamid Mullabazin, menaxher i njësisë së K.R.U. “Gjakova” – dega në Rahovec, diskutuan për problemet serioze që po shkakton keqpërdorimi i ujit në komunën tonë.

Keqpërdorimet janë të mëdha, të vazhdueshme dhe krejtësisht të papranueshme.

Larja e asfaltit me ujë të pijshëm nga amvisëritë, bizneset apo nga kushdo tjetër, ndalohet kategorikisht. U pajtuan që inspektorët komunalë të përfshihen në aksion për të parandaluar dhe për të ndaluar çdo formë abuzimi me ujin. Do të gjobiten të gjithë ata që e keqpërdorin këtë resurs jetik.