Dushkaja shumë shpejtë do të furnizohet nga KRU Gjakova

Sot Kryeshefi Ekzekutiv z. Ismet Ahmeti së bashku me menaxhmentin ftuan në takim Përfaqësues të fshatrave: Shqiponjë, Gërgoc, Kralan, Zhabel dhe Bardhaniq.

Temë e diskutimit ishte finalizimi i punëve në Projektin e Dushkajës. Projekt ky i financuar nga CDI, Kuvendi Komunal i Gjakovës dhe KRU Gjakova.

Kryeshefi Ekzekutiv ju tha përfaqësuesve që do të ju ndihmojë maximalisht në finalizimin e punimeve për kyqjen e rreth 600 shtëpive të këtyre fshatrave.

Por duhet edhe angazhimi i vetë komunitetit që të marrin përsipër përgjegjësitë që ju takojnë. Në një diskutim të hapur dhe shumë miqësor të gjithë u shprehën të lumtur për këtë të mirë të madhe dhe shumë të nevojshme që do ti ndodhë Dushkajës për një kohë shumë të afërt. /K.R.U Gjakova/