/ Nga admin1 / Lajme/ 0 Comments

RIKUJTIM

Ndërprerje e planifikuar e furnizimit me ujë në disa pjesë të Gjakovës;

Të nderuar konsumatorë,

Ju njoftojmë se më datë 15.12.2025 (e hënë) do të ketë ndërprerje të përkohshme të furnizimit me ujë të pijshëm në disa pjesë të qytetit të Gjakovës.

Zonat që do të preken nga ndërprerja janë:

• Rruga Tranzite
• Qendra e qytetit
• Blloku i Ri
• Orize
• Brekoc

Koha, nga ora 07:00 deri në 16:00.

Ndërprerja vjen si pasojë e vazhdimit të punimeve në Rrugën Tranzite, projekt i realizuar si bashkëfinancim ndërmjet Komunës së Gjakovës dhe KRU “Gjakova”, ku operatori i kontraktuar ka arritur në fazën e realizimit të lidhjes së pusetës kryesore të ujësjellësit.

Për shkak të rëndësisë dhe kompleksitetit të lidhjes së pusetës kryesore, ndërprerja e përkohshme e furnizimit me ujë është e domosdoshme.

Faleminderit për mirëkuptimin tuaj!

/ Nga admin1 / Lajme/ 0 Comments

Njoftim

Ekipa nga Reka e Keqe të angazhuar në mbulimin e gypave të rrugës drejt kaptazhit, pasi reshjet e ditëve të fundit kanë shkaktuar vërshime në këtë zonë.

/ Nga admin1 / Lajme/ 0 Comments

Mënyra e Pagesave të Ujit përmes Bankes

KRU Gjakova njofton të gjithë konsumatorët të cilët i kryejnë pagesat përmes transaksioneve të bankës (E-banking), në përshkrimin që ju kërkohet tek transaksioni përveç emrit dhe mbiemrit, i rëndësishëm është kodi i konsumatorit apo numri referent i faturës, të cilët janë të shënuar në ç’do faturë.
Për konsumatorët fizik kodi i konsumatorit është gjashtë shifror A XXXXXX, kurse për konsumatorët juridik kodi është katër shifror B XXXX .
Kërkojmë nga konsumatorët të identifikojnë numrin e saktë të kodit të tyre apo numrin referent të faturës si referencë për pagesa të shërbimeve të ujit.
Ndryshe në mungesë të këtyre te dhënave pagesat mbesin të panjohura dhe si pasojë borxhi nuk mund te zbritet në kartelën tuaj.
Ju si konsumator keni të drejtë ankese nëse vëreni se ndonjë pagesë e juaja përmes bankës nuk është zbritur në kartelën tuaj te ujit, ju lutem të paraqiteni në zyrat tona ose të na kontaktoni përmes mjeteve tona të informimit, duke paraqitur si dëshmi fletëpagesën tuaj përmes bankës.
KRU “Gjakova” falënderon konsumatorët për bashkëpunimin e treguar në vazhdimësi.
/ Nga admin1 / Lajme/ 0 Comments

Kanë filluar punimet për projektin madhor “Instalimi i Ujësjellësit Gjakova III”

Kanë filluar punimet për projektin madhor “Instalimi i Ujësjellësit Gjakova III”, që do t’i shërbejë fshatrave Lugbunar, Osek Hilë dhe Skivjan – një investim strategjik që garanton furnizim të qëndrueshëm me ujë për qindra banorë të Komunës së Gjakovës.
Kryeshefi Ekzekutiv i KRU “Gjakova”, z. Hasan Krasniqi, vlerësoi lartë nisjen e këtij projekti jetik, duke theksuar rëndësinë e tij për përmirësimin e mirëqenies së banorëve dhe duke shprehur mirënjohje për të gjithë bashkëpunëtorët që kanë mbështetur realizimin e tij.
Në fillimin e punimeve morën pjesë edhe Nënkryetari i Komunës së Gjakovës, z. Flamur Fetahu, si dhe Drejtori i Shërbimeve Publike, z. Nikoll Lleshi, së bashku me inxhinierët dhe stafin profesional të KRU “Gjakova”.
Ky projekt po realizohet si bashkëfinancim i Ministrisë së Ekonomisë, Komunës së Gjakovës dhe KRU “Gjakova”, duke reflektuar angazhimin e përbashkët institucional për zhvillim dhe investime të qëndrueshme në infrastrukturën e ujësjellësit.
/ Nga admin1 / Lajme/ 0 Comments

Njoftim

Ekipet teknike nga Njësia Prizren janë duke punuar në sanimin e defektit në fshatin Zym, në gypin Ø32mm.
Faleminderit për mirëkuptim!
/ Nga admin1 / Lajme/ 0 Comments

Demantim-Sqarim për Opinionin Publik

Kompania Rajonale e Ujësjellësit “Gjakova” Sh.A, dëshiron të sqarojë opinionin publik lidhur me raportimet e disa mediave për zhvillimet e fundit.
Në disa portale është publikuar lajmi se gjatë bastisjes së ndërmarrë nga Zyra e Prokurorit të Specializuar në objektin e KRU “Gjakova” dhe në shtëpinë e Kryeshefit, janë sekuestruar dokumente. Kjo nuk është e vërtetë.
Sqarojmë me përgjegjësi të plotë se gjatë këtij veprimi nuk është sekuestruar asnjë dokument nga hapësirat e kompanisë sonë dhe as nga shtëpia e Kryeshefit. Çdo pretendim i tillë është i pasaktë dhe i pavërtetuar.
KRU “Gjakova” ka bashkëpunuar dhe do të vazhdojë të bashkëpunojë me të gjitha institucionet kompetente, duke ofruar transparencë dhe qasje të plotë në çdo proces verifikues.
Si ndërmarrje publike, angazhimi ynë kryesor është ofrimi i shërbimit cilësor për qytetarët, menaxhimi i përgjegjshëm dhe ruajtja e besimit të publikut.
Në këtë kontekst, i bëjmë thirrje mediave që të respektojnë standardet e gazetarisë profesionale, të verifikojnë informacionet në burime zyrtare përpara publikimit dhe të shmangin dezinformatat që dëmtojnë imazhin e kompanisë dhe krijojnë pasiguri tek qytetarët.
Ne mbetemi të përkushtuar për të informuar drejt dhe me kohë opinionin publik për çdo zhvillim të rëndësishëm që lidhet me punën dhe veprimtarinë e KRU “Gjakova”.
KRU “Gjakova” Sh.A.
Gjakovë, 01.10.2025.
/ Nga admin1 / Lajme/ 0 Comments

PROJEKT I RI PËR FURNIZIM ME UJË TË PIJSHËM

Kanë filluar punimet për realizimin e projektit: “Ndërtimi i rrjetit të ujësjellësit në rrugën “Ymer Pula” dhe në katër fshatra të Komunës së Gjakovës”.
Ky projekt madhor po realizohet me vetëfinancim nga KRU “Gjakova”, ndërsa punimet do të kryhen nga Operatori Ekonomik “Fidani L” SH.P.K. dhe “Fidani-Beton” SH.P.K.
Vlera totale e projektit: 113,535.64 euro. Me këtë projekt do të realizohen gjithsej 6,990 metra rrjet i ri ujësjellësi dhe furnizimi me ujë të pijshëm do të shtrihet nga rruga “Ymer Pula” në drejtim të fshatit Moglicë, duke përfshirë edhe:
• Qendrën Sportive
• Fushat e Tenisit
• Shtëpinë e Pleqve
• Rrugën “Zhabeli Plak” – Zhabel
• Rrugën “Trojet” – Gërgoc
• Rrugët “Kroji i Qarrit” dhe “Lugu i Cufadolit” – Reka e Keqe
• Rrugët “Kajtazi” dhe “Hysenaj” – Bardhaniq.
Përfundimi i punimeve është planifikuar për datën: 18.11.2025.
Me përfundimin e këtij projekti, KRU “Gjakova” do të përmbyllë 100% furnizimin me ujë të pijshëm në zonën e saj të shërbimit.