/ Nga admin1 / Lajme/ 0 Comments

Sqarim, sistem i ri softuerik!

Të nderuar konsumatorë, që nga Shkurti 2025, kemi kaluar në një sistem të ri softuerik!
Si rezultat, konsumatorët e rinj të regjistruar nga ky muaj kanë një kod të ri identifikimi, i cili ndryshon nga ai i konsumatorëve të regjistruar më herët.
Konsumatorët e rinj tani kanë kode që fillojnë me shkronjën K dhe janë 6-shifrorë (KXXXXXX).
Konsumatorët ekzistues vazhdojnë me kodet e mëparshme që fillojnë me shkronjën A (AXXXXXX).
Kujdes! Çdo herë kur kryeni pagesën, sigurohuni të përmendni edhe shkronjën me të cilën fillon kodi juaj. Kodin tuaj mund ta gjeni në pjesën e sipërme të faturës.
/ Nga admin1 / Lajme/ 0 Comments

Ujëmatësit Elektromagnetik

Ekipet tona, sfidojnë pritshmëritë, duke u angazhuar me përkushtim dhe intensitet. Nga tereni na njoftojnë se kanë përfunduar punimet në ndërrimin e “Ujëmatësit Elektromagnetik” në degëzimin kryesor, për rrjetin që furnizon; fshatrat e Hasit, Anadrinit, Xërxe si dhe e gjithë Njësia e Rahovecit, uji sapo është lëshuar për konsumatorët e këtyre zonave.

/ Nga admin1 / Lajme/ 0 Comments

Përfundojnë punimet në një kohë rekod,

në ndërhyrjen për realizimin e projektit; “Ndërtimi i Rrjetit të Ujësjellësit për Fshatrat; Krushë e Madhe, Piranë, Zojzë dhe Medvec”. Uji është leshuar për Fshatrat e Njësisë së Prizrenit.
Falenderojmë konsumatorët për mirëkuptimin e treguar si dhe një falenderim i veçantë për ekipet teknike të cilët punuan me përkushtim të jashtëzakonshëm që furnizimi të rikthehet më shpejtë nga se ishte parashikuar!
/ Nga admin1 / Lajme/ 0 Comments

Urime Fitër Bajrami!

Të dashur qytetar të besimit Islam, me fat Fitër Bajrami, paqe, harmoni dhe dashuri për ju dhe familjet tuaja!
Përzemërsishtë,
KRU “Gjakova” SH.A!
/ Nga admin1 / Lajme/ 0 Comments

Nënshkrimi i kontratës për shfrytëzimin afatgjatë të pronës komunale

Sot, U.D. Kryeshefi Ekzekutiv i KRU “Gjakova”, z. Visar Hasi, priti në takim Kryetarin e Komunës së Mamushës, z. Abdulhadi Krasniç, ku u nënshkrua kontrata për dhënien në shfrytëzim afatgjatë të pronës komunale. Kjo marrëveshje parasheh që Komuna e Mamushës të japë në shfrytëzim për 99 vite një sipërfaqe prej 226 m² për KRU “Gjakova”, me qëllim ndërtimin e stacionit të pompimit të ujit të pijshëm dhe rrjetit të ujësjellësit.
Ky bashkëpunim i rëndësishëm ndërmjet institucioneve do të kontribuojë në përmirësimin e infrastrukturës dhe shërbimeve për qytetarët, duke siguruar një sistem të qëndrueshëm dhe efikas të furnizimit me ujë për të gjithë banorët e Komunës së Mamushës.
KRU “Gjakova” SH.A.
28.03.2025.
/ Nga admin1 / Lajme/ 0 Comments

Defekt

Ju njoftojmë se gjatë punimeve nga Operatori Ekonomik kontraktuar nga Komuna e Gjakovës, gjatë punimeve në Rr; “Tirana”- (Rruga Transite), është dëmtuar gypi i ujësjellësit Ø150 dhe Ø90. Si pasojë e këtij dëmtimi është ndërprerë furnizimi me ujë për një pjesë të konsumatorëve të rrugës “Tirana”, respektivishtë konsumatorët që lidhen me krahun e rrugës nga janë duke u zhvilluar punimet. Për shkakë të kompleksitetit të punimeve, meqenëse së pari duhet të vendosen gypat e kanalizimit, punimet në rregullimin e defektit në gypin e ujësjellësit do të vazhdojnë nesër në mëngjes! Kërkojmë mirëkuptimin tuaj!
/ Nga admin1 / Lajme/ 0 Comments

VAZHDON AKCIONI I ÇKYÇJEVE!

Edhe pse dita e sotme është me shi, ekipet tona vazhdojnë operacionin e çkyçjeve të konsumatorëve borxhlinj.
Çkyçjet po realizohen përmes bllokuesve të ujit.
Prandaj, ju ftojmë të kryeni sa më shpejt obligimet tuaja për të shmangur procedurat si: Procedurat ligjore për mbledhjen e borxhit apo ndërprerja e furnizimit me ujë.
Faleminderit për mirëkuptimin dhe bashkëpunimin tuaj!
/ Nga admin1 / Lajme/ 0 Comments

Edhe gjatë kësaj dite vikendi, ekipet e KRU “Gjakova”, janë në terren për të rregulluar defektet në rrjetin e ujësjellësit.

– Është intervenuar në rregullimin e defektit në rrugën “Rrustem Berisha” (Orize Jugore), ku është riparuar gypi AC me diametër Ø 80 mm.
– Pas përfundimit të këtij intervenimi, ekipi ka vazhduar punën në fshatin Dejnë-Gjakovë, ku po trajtohet një defekt në gypin kryesor.
Po punohet pandërprerë për furnizim të qëndrueshëm me ujë për të gjithë.
/ Nga admin1 / Lajme/ 0 Comments

KRU “Gjakova” vazhdon me shkyçjen e borxhlinjve

Nga KRU “Gjakova” njoftuan se kanë vazhduar edhe sot aksionin e shkyçjeve të konsumatorëve borxhlinj.

Me anë të një postimi në Facebook nga kjo kompani bëjnë të ditur se gjatë ditës së sotme janë realizuar shkyçje me bllokues në Njësinë e Gjakovës dhe se aksioni do të vazhdojë çdo ditë në të gjithë zonën e shërbimit.

Tutje bëhet thirrje që të kryhen me rregull pagesat e faturave të ujit, për të shmangur ndërprerjen e furnizimit me ujë.